22 აპრილს, 18:30 საათზე, ვაკის მედიათეკაში გაიმართება დენიელ ქუინის ისმაელის წარდგინება. 22 აპრილი დედამიწის დღეა. ინტელექტი ახალი წიგნის წარდგინებით უერთდება ამ დღეს.

ღონიძიებას გაუძღვება წიგნის მთარგმნელი, ფილოსოფოსი ლევან ღამბაშიძე. მოეწყობა ვიდეო-ინსტალაცია რომელიც გაგვაცნობს ჩვენს პლანეტაზე მცხოვრებ სხვადასხვა კულტურებს და ადამიანებს.

ღონისძიებაზე მცირე მოხსენებებით გამოვლენ: გიგი თევზაძე, თემა – „სამყაროს გადარჩენის იდეა vs. ევოლუციის იდეა“ და ნატა ფერაძე, პატრიზანი მებაღეების აქტივისტი, თემა – „პოსტსაბჭოთა სივრცეში მაცხოვრებლების კომფორტის ზონა“.

ღონისძიებაზე მოსულ სტუმრებს ღვინით გაუმასპინძლდება კომპანია ასკანელი ძმები.

წარმოიდგინეთ, რომ გაწუხებთ განცდა, თითქოს რაღაც არ არის რიგზე. ფიქრობთ, რომ ადამიანი ბუნებასთან მიმართებით სწორად არ იქცევა. გგონიათ, რომ რაღაც აუცილებლად უნდა შეიცვალოს და უეცრად გაზეთში აწყდებით განცხადებას: „მასწავლებელი ეძებს მოსწავლეს. მას უნდა ჰქონდეს მსოფლიოს გადარჩენის გულწრფელი სურვილი. დაინტერესების შემთხვევაში მობრძანდით გასაუბრებაზე“.

სწორედ ამ განცხადებით დაიწყო წიგნის მთავარი გმირისა და ისმაელის ურთიერთობა. ისმაელისა, რომელსაც ადამიანის განვითარების შესახებ თავისებური და განსხვავებული ხედვა აქვს. ხედვა, რომელიც გვიხსნის თუ როგორ და რატომ აქცია ადამიანმა სამოთხისგან ჯოჯოხეთი და რა უნდა გაკეთდეს ამ ჩიხიდან გამოსასვლელად.

ჰო, სხვათა შორის, ისმაელი გორილაა.

► იხილეთ ღონისძიება ფეისბუკზე