6-7-8 მაისს, 20:00 საათზე თუმანიშვილის თეატრში წარმოდგენილი იქნება ნინო ხარატიშვილის პიესა მრისხანება, რომელიც თავად პიესის ავტორმა დადგა და თუმანიშვილისა და ფრაიბურგის თეატრების კოპროდუქციაა.

მრისხანება შესულია ნინო ხარატიშვილის პიესების კრებულში ჩემი საშინელი ბედნიერების წელიწადი, რომელიც გამომცემლობა ინტელექტმა გამოსცა და გერმანული ენიდან ნინო ბურდულმა თარგმნა.

სპექტაკლების პარალელურად 6-7-8 მაისს თუმანიშვილის თეატრში შესაძლებელი იქნება ნინო ხარატიშვილის რომანების ჟუჟა და ჩემი საყვარელი ორეული და პიესების კრებულის ჩემი საშინელი ბედნიერების წელიწადი ქართულენოვანი გამოცემების საგამომცემლო ფასად შეძენა.