17 მაისს, 19 საათზე, საქართველოს პარლამენტის ეროვნული ბიბლიოთეკის საგამოფენო დარბაზში გიწვევთ მანანა ამირეჯიბის წერილებისა და ესეების კრებულის – ურეჟიმო ადამიანთა ცხოვრება – წარდგინებაზე.

ურეჟიმო ადამიანთა ცხოვრება თანამედროვე ლიტერატურის შესახებ დაწერილი ესეების კრებულია.თამამი და ძალდაუტანებელი ფიქრით, მახვილგონივრული მსჯელობით და შინაგანი განწყობით, წიგნი ბიბლიოთეკაში მოგზაურობას ჰგავს, სადაც ავტორი თავადაა მკითხველი და ეს მდგომარეობა მასაც და, სხვა მკითხველებსაც, განუზომელ სიამოვნებას ანიჭებს.

კრებულში სხვადასხვა თაობის მწერლებზეა საუბარი. მკითხველი აუცილებლად იპოვის მისთვის ყველაზე საინტერესოს, კიდევ ერთხელ გადაავლებს თვალს და ახალი ინტერპრეტაციებისთვისაც მოემზადება. მანანა ამირეჯიბის წიგნი ამის საუკეთესო მაგალითია.

დასწრება თავისუფალია!
მის: თბილისი, საქართველოს პარლამენტის ეროვნული ბიბლიოთეკის საგამოფენო დარბაზი (III კორპუსი), ლადო გუდიაშვილის N7.

► იხილეთ ღონისძიება ფეისბუკზე