28 მაისს, 14:00 საათზე, ექსპო ჯორჯიას მე-11 პავილიონში, თბილისის წიგნის საერთაშორისო ფესტივალის ფარგლებში გაიმართება სერგეი ჟადანის რომანის – მესოპოტამია – წარდგინება. რუსულიდან თარგმნა გაგა ნახუცრიშვილმა.


სერგეი ჟადანის – მესოპოტამია მოიცავს ცხრა ამბავს. წიგნი ერთ წრესა და გარემოზე მოგვითხრობს. გმირები ამბიდან ამბავში მოგზაურობენ. ფილოსოფიური გადახვევები, ფანტასმაგორიული სახეები, დახვეწილი მეტაფორები და სპეციფიკური იუმორი. ბაბილონის ისტორიები მათთვის დაიწერა, ვისაც სიყვარულისა და სიკვდილის საკითხები აინტერესებს. ქალაქის ცხოვრება, დროის დინება, პერსონაჟთა ბიოგრაფიები, რომლებიც თავისი სიმართლისთვის იბრძვიან, უნდათ, რომ დაინახონ და გაუგონ. ქუჩის შეტაკებებისა და ყოველდღიური ვნებების ქრონიკა. აღიარება და ღალატი, გაქცევა და დაბრუნება, სისასტიკე და სიყვარული.


დასწრება თავისუფალია!
მის: ექსპო ჯორჯიას მე-11 პავილიონი, წერეთლის გამზ. 118.