21-22-23 ივნისს ზუგდიდში, ბათუმსა და ქუთაისში გაიმართება შეხვედრა ლევან ღამბაშიძესთან და მის მიერ ნათარგმნი წიგნის ისმაელის (ავტორი – დენიელ ქუინი) წარდგინება.

 

21 ივნისი, 18:00 ზუგდიდი, Art House (რუსთაველის 87 ა); 

 

22 ივნისი, 18:00 ბათუმის შოთა რუსთაველის სახელობის სახელმწიფო უნივერსიტეტი, აუდიტორია N44 (ნინოშვილის ქ. N35); 

 

23 ივნისი, 16:00 ქუთაისის ახალგაზრდული ცენტრი (ირაკლი აბაშიძის 14 ა). 

 

► იხილეთ ღონისძიება ფეისბუკზე

 

 

წარმოიდგინეთ, რომ გაწუხებთ განცდა, თითქოს რაღაც არ არის რიგზე. ფიქრობთ, რომ ადამიანი ბუნებასთან მიმართებით სწორად არ იქცევა. გგონიათ, რომ რაღაც აუცილებლად უნდა შეიცვალოს და უეცრად გაზეთში აწყდებით განცხადებას: „მასწავლებელი ეძებს მოსწავლეს. მას უნდა ჰქონდეს მსოფლიოს გადარჩენის გულწრფელი სურვილი. დაინტერესების შემთხვევაში მობრძანდით გასაუბრებაზე“.

 

სწორედ ამ განცხადებით დაიწყო წიგნის მთავარი გმირისა და ისმაელის ურთიერთობა. ისმაელისა, რომელსაც ადამიანის განვითარების შესახებ თავისებური და განსხვავებული ხედვა აქვს. ხედვა, რომელიც გვიხსნის თუ როგორ და რატომ აქცია ადამიანმა სამოთხისგან ჯოჯოხეთი და რა უნდა გაკეთდეს ამ ჩიხიდან გამოსასვლელად.

 

ჰო, სხვათა შორის, ისმაელი გორილაა.

 

 

დასწრება თავისუფალია!