4 ივლისს, 19:00 საათზე, სოციალურ ბარ გენერატორი 9.8-ში გამომცემლობა ინტელექტი გიწვევთ სერგეი ჟადანის რომანის – მესოპოტამია – წარდგინებაზე.

 

რუსულიდან თარგმნა გაგა ნახუცრიშვილმა.

 

პრეზენტაციაზე წიგნის შეძენა საგამომცემლო ფასად იქნება შესაძლებელი.

 

დასწრება თავისუფალია!

 

 

► იხილეთ ღონისძიება ფეისბუკზე

 

 

სერგეი ჟადანის მესოპოტამია მოიცავს ცხრა ამბავს. წიგნი ერთ წრესა და გარემოზე მოგვითხრობს. გმირები ამბიდან ამბავში მოგზაურობენ. ფილოსოფიური გადახვევები, ფანტასმაგორიული სახეები, დახვეწილი მეტაფორები და სპეციფიკური იუმორი. ბაბილონის ისტორიები მათთვის დაიწერა, ვისაც სიყვარულისა და სიკვდილის საკითხები აინტერესებს. ქალაქის ცხოვრება, დროის დინება, პერსონაჟთა ბიოგრაფიები, რომლებიც თავისი სიმართლისთვის იბრძვიან, უნდათ, რომ დაინახონ და გაუგონ. ქუჩის შეტაკებებისა და ყოველდღიური ვნებების ქრონიკა. აღიარება და ღალატი, გაქცევა და დაბრუნება, სისასტიკე და სიყვარული.