28 სექტემბერს, 16:00 საათზე ქუთაისის ილია ჭავჭავაძის სახელობის საჯარო ბიბლიოთეკაში გაიმართება ცირა ყურაშვილის ახალი წიგნის – ჟამსა თამაშობისასა – წარდგინება!

 

დასწრება თავისუფალია!

მის: ქუთაისის ილია ჭავჭავაძის სახელობის საჯარო ბიბლიოთეკა (ლილი ნუცუბიძის N1)

 

 

აზროვნების სიღრმე, ხედვის მოულოდნელი კუთხეები, ოსტატურად დაუფლებული ენა – ეს არასრული ჩამონათვალია იმ აქცენტებისა, რაც ცირა ყურაშვილის ნოველებს გამოარჩევს. ეს რჩეულობა, გნებავთ – უკიდურესი ინდივიდუალიზმი, თვითმყოფადობა, აქცევს მას ყოველთვის საინტერესო, ყურადღებამისაქცევ ავტორად.

 

კრებულში სხვადასხვა დროს დაწერილმა ნოველებმა მოიყარა თავი. უხსოვარი, კარგად დავიწყებული ძველის განცდასთან ერთად, მწერალი ისეთ სიახლესაც გთავაზობთ, რომელსაც მხოლოდ ნამდვილი მკითხველის გუმანი იცნობს და რომელიც ნებისმიერ დროსა და სივრცეში თანამედროვე და აქტუალურია.