გამომცემლობა ინტელექტის ოფიციალური მოწვევით 25-29 მაისს საქართველოს ეწვევა სერბი მწერალი იასმინა მიხაილოვიჩი, გამოჩენილი სერბი მწერლის მილორად პავიჩის მეუღლე, რომელიც თბილისის წიგნის საერთაშორისო ფესტივალის განსაკუთრებული სტუმარი იქნება. მასთან ერთად თბილისს ესტუმრება მილორად პავიჩისა და იასმინა მიხაილოვიჩის ლიტერატურული აგენტი სტეფანო ბისაჩი. მის ვიზიტთან დაკავშირებით ინტელექტის გამოსცემს იასმინა მიხაილოვიჩის წიგნს „ხაზართა ზღვის ნაპირებზე“ და მილორად პავიჩის 6 წიგნს:

• „ხაზარული სიტყვისკონა“
• „უკანასკნელი სიყვარული კონსტანტინოპოლში“
• „ჩაით დახატული პეიზაჟი“
• „სხვა სხეული“
• „შვიდი მომაკვდინებელი ცოდვა“
• „უნიკალური ეგზემპლარი“

ახალ გამოცემებს იასმინა მიხაილოვიჩი თავად წარადგენს და ისაუბრებს მილორად პავიჩის ცხოვრებასა და შემოქმედებაზე.

★ 28 მაისი, 13:00 – მონაწილეობა თბილისის წიგნის საერთაშორისო ფესტივალის ოფიციალური გახსნის ცერემონიალში (ექსპო ჯორჯიას მე-11 პავილიონი);

14:00 – იასმინა მიხაილოვიჩისა და მილორად პავიჩის წიგნების პრეზენტაცია თბილისის წიგნის ფესტივალის მთავარ სცენაზე (ექსპო ჯორჯიას მე-11 პავილიონი);

პრეზენტაციის შემდეგ გამომცემლობა ინტელექტის სტენდზე ავტოგრაფების დარიგება;

★ 29 მაისი, 19:00 – იასმინა მიხაილოვიჩისა და მილორად პავიჩის წიგნების შემაჯამებელი, მასშტაბური პრეზენტაცია საქართველოს მწერალთა სახლში იასმინა მიხაილოვიჩის, მისი ლიტერატურული აგენტის – სტეფანო ბისაჩის, მთარგმნელებისა და რედაქტორების მონაწილეობით.

დასწრება თავისუფალია!