27 ნოემბერს, პარასკევს, 19 საათზე გამომცემლობა ინტელექტი ლიტერატურულ კაფეში „იგნის სახლი ბახტრიონზე გიწვევთ ელიზბარ ელიზბარაშვილის ახალი წიგნის – პატივისცემით ქიმიას – წარდგინებაზე.

დასწრება თავისუფალია!
მის: ბახტრიონის N11ბ.

„როგორ ვუშველოთ ქიმიას?“ – კითხულობს წიგნის ავტორი ერთ-ერთ წერილში და იქვე რამდენიმე საგულისხმო რჩევას გვაძლევს. ჩვენც, თითქოსდა ცხოვრების მარტივ წესს დაჩვეულები, ხშირად ვფიქრობთ: რით შეიძლება დავეხმაროთ ჩვენში ასე ათვალწუნებულ საბუნებისმეტყველო საგნებს, რომლებიც სიღრმისეული აზროვნებისთვის აუცილებელ უნარებს გვძენს?

2013 წელს ინტელექტის მიერ გამოცემული ელიზბარ ელიზბარაშვილის წიგნი ქიმია ყველასათვის იყო მცდელობა, პოპულარული ენით დაწერილი სამეცნიერო ესეების საშუალებით გაეადვილებინა მკითხველისთვის ამ რთულ, მაგრამ საინტერესო მეცნიერებასთან მისასვლელი გზა.

პატივისცემით ქიმიას ამ ძალისხმევის გაგრძელებაა, რომელშიც დაკვირვებული მკითხველი არა მხოლოდ ქიმიის საიდუმლოებათა გასაღებს იპოვის, არამედ ჩვენს სინამდვილეში მიმდინარე პროცესებისა და ქიმიის უხილავ თუ ხილულ ურთიერთკავშირსაც დაინახავს.