2 დეკემბერს, 19:00 საათზე, საქართველოს მწერალთა სახლში, თანამედროვე ლიტერატურის კვირეულის ფარგლებში გამომცემლობა ინტელექტი გიწვევთ მარიკა მამალაძის პროზაული კრებულის – უცვეთი ანრი – წარდგინებაზე.

ამ მოთხრობებში ერთი შეხედვით ჩვეულებრივი ამბები ვითარდება, ჩვეულებრივი ადამიანებითა და ისტორიებით. ყოფითი და ნაცნობი გარემო, მსუბუქი იუმორი და თხრობის მარტივი, ძალდაუტანებელი მანერა მკითხველს ადვილად იზიდავს და „იშინაურებს“, თუმცა სწორედ ამ ეტაპიდან – მკითხველისა და მთხრობელის „გაშინაურებიდან“ იწყება ყველაზე მთავარი: ამ მოთხრობებს აქვს რაღაც დაძაბული, საბედისწეროს მოლოდინით დამუხტული შინაარსი, ჩვეულებრივი ამბები კი ძალიან ფრთხილად და შეუმჩნევლად, ფატალურ ისტორიებად გადაიქცევიან...

 

თანამედროვე ლიტერატურის კვირეულის ფარგლებში გაიმართება კიდევ ოთხი ქართველი ავტორის წიგნების წარდგინება:

30 ნოემბერი, 19:00 საათი – შეხვედრა ვახტანგ ჯავახაძესთან.

1 დეკემბერი, 19:00 საათი – დათო ქარდავას ესავის ხელები.

3 დეკემბერი, 19:00 საათი – ქეთი ნიჟარაძის მზე სახურავზე.

4 დეკემბერი, 19:00 საათი – ირაკლი კაკაბაძის სამწერტილები.