19 აპრილს, 19:00 საათზე ვაკის მედიათეკაში გაიმართება ტარიელ ჭანტურიას პოეტური კრებულის – სიყვარულის შავი ყუთი – წარდგინება.

► იხილეთ ღონისძიება ფეისბუკზე

პოეზია, რომელსაც ტარიელ ჭანტურია მრავალი წელია ქმნის, განსაკუთრებული მოვლენაა ქართულ ლიტერატურაში. გამორჩეული პოეტური ხმა, მახვილგონიერი აზროვნება, ირონიისა და სარკაზმის აუტანელი სიმსუბუქე სრულიად ახალ სამყაროს ქმნის, რომელიც მკითხველს ცხოვრების მიმართ აქამდე უცხო შთაბეჭდილებით და მოტივაციით აღავსებს.

ესაა მუდმივად თანამედროვე, ახალგაზრდული აზრითა და სულით სავსე პოეზია. სწორედ ამიტომ, ის ყოველთვის სასურველი და საინტერესოა ნებისმიერი გემოვნების თუ ასაკის ადამიანისთვის.

რამდენიმეწლიანი პაუზის შემდეგ, მკითხველს კვლავ ეძლევა საშუალება, იხილოს მათი საყვარელი ავტორის ახალი კრებული.

წიგნი გამოიცა საქართველოს კულტურისა და ძეგლთა დაცვის სამინისტროს მხარდაჭერით.